Намрын шаргал өдрүүдэд бид Улаанбаатар хотын гудамжаар залуус маань Reebok брэндээр хэрхэн хувцасласан байгааг дурандаа буулгалаа. Фитнес, эрүүл амьдралын хэв маяг Reebok брэндийн салшгүй нэг хэсэг ч загварлаг, чөлөөтэй, тухтай өдөр тутамд ч өмсөх боломжтой байдлыг үргэлж хувцсандаа шингээж өгдгөөрөө онцлог билээ.

Тод өнгийн оруулгатай Reebok брэндийн бичигтэй цамцыг бомбер болон сүүлийн үеийн тренд болж буй хар комбат гутал, урдаа оноотой өмдтэй хослуулан өмссөн нь дэгжин атлаа чөлөөтэй харагдахгүй байна гэж үү? Хар өнгө классик ч хааяа нэг тод өнгөтэй холин тоглолт хийхэд урамтай шүү дээ…

 

Хар савхин өмд бол яах аргагүй энэ жилийн тренд хувцасны нэг байсан билээ. Үүнийг хар өнгийн Classic Unisex Hoodie болон Aztrek 96 пүүзтэй хослуулсан нь энгийн хэрнээ содон харагдаж байна. Пүүзэн дээрх неон шар өнгийн оруулга яах аргагүй энэ төрхийг чимж байна.

 

Намрын сэрүүхэн цаг агаарт өмсөхөд тохиромжтой материалтай энэхүү хар хослолыг 2000-аад оны загвараас санаа авч бүтээсэн Premier Pump Paris пүүз болон богино саарал куртиктэй хослуулан өмссөн нь дулаахан бөгөөд тухтай харагдаж байгаа биз?

 

Тод өнгөөр хувцаслах үед сэтгэл санаа дээшилдэг бөгөөд намрын бүүдгэр өдрүүдийг дараах домапин ялгаруулах неон ногоон өнгийн оруулгатай задгай цамц болон Zig Dynamica пүүз  өмссөн нь чимж өгч байна.  Хөдлөхөд эвтэйхэн атлаа өнгөлөг, эрч хүчтэй харагдаж байгаа биз.

 

Залуугийн сонгосон имиж нь тод улаан өнгийн оруулгатай хөнгөн, тав тухыг мэдрүүлэх Zig Kinetica II гүйлтийн пүүз болон Classics Vector Track Jacket байлаа. Дасгал хөдөлгөөн хийхдээ ч загварлаг байдлаа алдахгүй байх нь бас нэг шинэ тренд билээ.

 

Сүүлийн үед хамгийн ихээр тодотгогдож байгаа “тав тух” гэх үгийг хамгийн тодоор харуулж буй энэхүү дүр төрх нь саравчтай малгай, хар өнгийн өмд цамцны хослол,  CL Legacy AZ пүүз болон урт куртикээр бүрдсэн байна.  Жилийн дөрвөн улиралд хэзээ ч өмсөх боломжтой хувцас бол яах аргагүй сул өмд цамцны хослол билээ.

 

 

Цагаан кет, цэнхэр жийнс, малгайтай цамц бол яах аргагүй бүх цаг үеийн хамгийн шилдэг сонголт байдаг. Мэдээж намрын сэрүүн орой урт хар куртиктэй байхад даарна гэж байхгүй шүү дээ.  Хүн бүрийн шүүгээнд байдаг эдгээр хувцас хамтдаа энгийн бөгөөд загварлаг харагдаж байгаа биз дээ?

 

STREET HUNT in ULAANBAATAR 2021 | Reebok

Гэрэл зургийг: М.Бат-Очир

2021/10/21