.png?h=ee4485c09c731b006224bbabbe69975f925d4c78)
.png?h=4cd7b0e974def6f4a0a29e56a91706bd88b1d7d7)
Дэлхийн брэнд New Era-ийн Монгол загварууд
50 Cent, Eminem, Jay-Z нарыг сонсож стиль, имиж, хэв маягаа чиглүүлж байсан залуус өргөн жинсийг, босоо саравчтай малгайтай хослуулан гудамжаар сүлжилдэх цагт хотын “хамгийн догь” залуус л New York Yankees, Los Angeles Dodgers, Boston Red Socks багуудын малгайгаар гангарч явсан билээ.
Тэгвэл тэдгээр малгайнуудыг үйлдвэрлэдэг, 100 гаруй жилийн түүхт New Era брэндийн Монгол агуулгатай загварууд худалдаанд гарлаа.
Монгол Улсын таних тэмдэг болсон олон онцлог агуулгыг New Era брэндийн малгайтай хослуулах төсөлд 2 компани (Би Ти Эф, Уайз Эженси), 5 уран бүтээлчид хамтран, сэтгэл оюун, ур чадвараа нэгтгэн оролцсон билээ.
Энэ нь нэг талаараа Монголчууд дэлхийд алдартай брэндийн бүтээгдэхүүнийг өөрсдийн бэлгэ тэмдэг бүхий дизайнаар илэрхийлэн гангарах боломж бүрдэж буй явдал.
Нөгөө талаар дотоодын дизайнер, уран бүтээлчдийг олон нийтэд таниулах, тэднийг дэлхийн хэмжээний брэндүүдтэй хамтрах үүд хаалгыг өргөтгөх үр өгөөжтэй ажил болсон юм.
Монгол агуулга бүхий загварууд нь наадам, аялал жуулчлалын улирлыг тохиолдуулан худалдаанд гарч байгаа нь Монголд аялахаар ирсэн жуулчид болон New Era брэндийн үнэнч хэрэглэгчдэд барьж буй нэгэн том бэлэг гэдгийг дурдах нь зүйтэй.
Тус консепцийн хүрээнд хийгдсэн бүтээлүүдийг танилцуулъя:
 |
Артист: О.Одонболд Улаанбаатар хотын үүсэл Өргөө хотыг төлөөлүүлж Соёмбо У үсгийн хэлбэрийг өрнийн Blackletter үсэгтэй хослуулсан 9FIFTY загвар. Тус загвар нь босоо саравчтай, snapback хэмжээ тохируулагчтай. |
 |
Артист: Desember Studio
Дотоодын болон гадаадын жуулчдын заавал очиж үзэх газрын нэгт тооцогддог Говийн байгалийг дүрслэн харуулсан 9TWENTY загвар. Энэ нь хэмжээ тохируулагчтай, дугуйрсан саравчтай, толгойны хэлбэрт сайн сууж өгдөг онцлогтой. |
 |
Артист: Desember Studio
Баруун бүсийн байгалийн онцлог, хангайн үзэсгэлэнг ретро хэв маягаар дүрсэлсэн Everyday Classic Bucket загвар. Толгойны хэлбэрт сайн сууж өгдөг бөгөөд 5 см урттай саравч нь нар салхинаас сайтар хамгаалдаг. |
 |
Артист: Т.Түшиг
Улаанбаатар хотыг хамгаалагч сахиус буюу үлгэр домгийн “Хангарди” шувууг дүрсэлсэн 9FORTY загвар. Энэ загвар нь хэмжээ тохируулагчтай бөгөөд хатуулгатай учраас загварлаг харагдуулаад зогсохгүй өмсөхөд эвтэйхэн байдаг. |
 |
Артист: Т.Түшиг
Улаанбаатар хотын түүхэн дурсгалт газар, Нийслэл хүрээний хамгийн өндөр барилгад тооцогддог байсан Гандантэгчэнлин хийдийн Мэгжид Жанрайсаг бурхны дуганыг дүрсэлсэн 9FORTY загвар. Энэ загвар нь хэмжээ тохируулагчтай бөгөөд хатуулгатай учраас загварлаг харагдуулаад зогсохгүй өмсөхөд эвтэйхэн байдаг. |
 |
Уран бичээч: Ц.Тамир
Босоо Монгол уран бичлэгийг гэрийн тоонотой хослуулсан 9FORTY загвар. Энэ загвар нь хэмжээ тохируулагчтай бөгөөд хатуулгатай учраас загварлаг харагдуулаад зогсохгүй өмсөхөд эвтэйхэн байдаг. |
Монгол уран бүтээлчид дэлхийд алдартай New Era брэндтэй хамтарсан “Mongol Icon” коллекц ийнхүү худалдаанд гарлаа!
Анх зөвхөн өмсөхөд эвтэйхэн, нарнаас сайн хамгаалдаг саравчтай малгай үйлдвэрлэх хүсэлдээ хөтлөгдөн эхлүүлж байсан бизнес өдгөө Америкийн бейсболлын шигшээ багуудаас эхлээд дэлхийн урлаг, спорт, соёлын бэлгэ тэмдэг болтлоо хөгжсөн юм.
“Өөртөө итгэлтэй өдөр бүрийг бүтээнэ” уриатай Би Ти Эф ХХК 2023 оноос эхлэн тус брэндийг албан ёсоор монголын зах зээлд борлуулж эхэлсэн. Харин 2024 онд бид дэлхий даяар хувцас загвар, амьдралын хэв маягийг илтгэх алдарт New Era брэндийн Монгол загваруудыг тусгайлан бүтээлцэж, хэрэглэгчдэд хүргэж эхэллээ.
New Era брэндийн Монгол агуулгатай болон бусад загваруудыг Улаанбаатар Их Дэлгүүрийн New Era Mono-brand store болон Shangrila худалдааны төвийн RDY Concept store-с худалдан аваарай.
Онлайнаар, хүргэлттэйгээр худалдаж авах бол:
Улаанбаатар их дэлгүүрийн 3-р давхар
