Хэзээ ч, хаана ч хамгийн загварлаг, хамгийн cool харагдуулах Levi’s, Dr.Martens

Энэ удаагийн бидний дуранд залуус маань Levi’s болон Dr.Martens брэндийг хослуулан хэрхэн look бүрдүүлсэн байгааг харцгаая. Бие биедээ төгс уусан шингэдэг тус брэндүүдийг хослуулах нь “street” уур амьсгалыг өөрийн эрхгүй бүрдүүлдэг билээ.

Өвөрмөц төрх бүтээхэд заавал олон өнгө ашиглах шаардлагагүй гэдгийг энэ залуугийн look-с харж болохоор байна. Хэзээ ч загвараа алдахгүй Levi’s брэндийн логотой футболк нэмэх нь цулгуй хар куртик энгийн хэр нь загварлаг харагдаж байна.

 

Levis брэндийг үстэй жинсэн хүрэмгүйгээр төсөөлөх аргагүй. Намрын сэрүүн өдрүүдэд хоолойтой цамц, үстэй хүрмийн зохицол нь таныг дулаахан бөгөөд  орчин үеийн, загварлаг харагдуулах болно.

Бүрхэг өдрүүдэд яг л таарсан Look бүрдүүлжээ. Levis брэндийн малгайтай цамц мөн хүрэм, Dr.Martens брэндийн 1460 Nappa Zipper Boots хослуулан өмссөн нь энгийн хэр нь тухтай харагдаж байна.

Хотын гудмаар нохойгоо салхилуулан алхах охиноос бид зургийг нь авч болох эсэхийг асуухад уриалагхан зөвшөөрөв. Levi’s брэндийн малгайтай цамц жинсэн өмдөн дээр Nappa 1460 Docs загварын гутал өмссөн байгаа нь түүнийг загварлаг мөн чөлөөтэй харагдуулж байна. Нохойтойгоо бандагаар хосолсон нь хүртэл үнэхээр догь байгаа биз? Түүний өхөөрдөм нохой нь томоотой зургаа даруулаад эзэндээ шагнуулж байсан шүү.

Энэ жилийн бас нэгэн тренд болох панама буюу горшонк малгайг загварчлан олон янзын төрх бүрдүүлэн өмсөж байгаа ч малгайтай цамц, цэнхэр жийнс, Dr Martens X Keith Haring 1461 Smooth Oxford гуталтай хослуулан өмссөн нь догь харагдахгүй байна гэж үү?

Цагаан өнгийн футболк жинсэн хүрмийн зохицол нь үргэлж шилдэг сонголт байсаар ирсэн. Харин уг Look дээр эрэгтэй жинсэн хүрмийг oversized болгон өмссөн нь тун загварлаг мөн чөлөөтэй харагдуулж байна. Levi’s логоны улаан өнгө нь яах аргагүй энэ төрхийг чимж байна.

Dr.Martens брэндийн Quad Retro Jadon буюу платформ ултай загвар нь хэзээд л хамгийн их эрэлттэй загвар байсаар ирсэн. Энэ удаа Levi’s брэндийн малгайтай цамц болон урт хар куртиктэй хослуулан өмсжээ. Мэдээж энэ нь үнэхээр Cool харагдаж байна.

Сэрүүхэн өдрүүдийг дулаацуулж тухтай мэдрэмж төрүүлэх хувцас гэхээр хамгийн түрүүнд Fleece материалтай хувцас санаанд тань бууж байгаа биз? Мэдээж Fleece материалтай цамцыг жинсэн өмдтэй хослуулах нь хамгийн зөв сонголтын нэг байдаг ба саравчтай малгай, жижиг цүнхний нэмэлт нь энэхүү хувцаслалтыг амилуулж өгсөн байна.

Ямар хувцас өмсөхөө мэдэхгүй үеүд хааяа тохиолддог уу?  Тэгвэл хэзээ ч загвараа алдахгүй үргэлж л тренд байсаар ирсэн Oversized загвараар хувцаслаарай. Levi’s брэндийн Малгайтай сул цамц, жинсэн хүрэм, Dr.Martens брэндийн CLASSIC 8 EYE BOOT, CHERRY SMOOTH гутлыг төгс хослуулан өмсжээ.

 

STREET HUNT in ULAANBAATAR 2021 | Levi's & Dr.Martens

 

Гэрэл зургийг: О.Төмөрбаатар

2021/10/26