JACK WOLFSKIN бол аялал, спортын зориулалттай хувцас үйлдвэрлэдэг Герман компани ба төв оффис нь Idstein хотод байдаг. Анх 1981 онд буюу одоогоос 40 жилийн өмнө үүсгэн байгуулагдсан ба одоогоор дэлхийн хамгийн том аяллын хувцас нийлүүлэгчдийн нэг бөгөөд Герман улсын аяллын багаж хэрэгслийн хамгийн амжилттай франчайз байгууллага юм. Тэд уулын спортын хувцас хэрэгсэл, чөлөөт хувцас, гутал, үүргэвч, аяллын хөнжил, майхан г.м бүтээгдэхүүн үйлдвэрлэдэг. 

 

Тэдний бараа бүтээгдэхүүнүүд нь явган алхагчид болон ууланд авирагчдын гол хэрэгсэл төдийгүй хүмүүсийн өдөр тутмын энгийн өмсгөлийг хангадгаараа алдартай. Чанартай, удаан эдэлгээтэйгээс гадна их загварлаг гэдгээрээ ялгардаг.

 

 

 

 

Jack Wolfskin нэрний гарал үүсэл

Жак Вольфскин гэдэг нэр болон сарвууны хээ нь Жек Лондонгийн Зэрлэг байгалийн дуудлага зохиол дээр гардаг онгон зэрлэг өргөн уудам газар нутгаас иш татан санаагаа олсон. Чонын сарвуу нь бие даасан, эрх чөлөөт амьдралын бэлгэ тэмдэг юм. 

 

 

 

Брэндийн зорилго: 

Jack Wolfskin брэндийн эрхэм зорилго бол хүмүүсийг цэвэр агаарт гарч байгальтай холбогдох, шинэ зүйлийг мэдрэх, гэр бүл, найз нөхөдтэйгөө салхинд   гарахад түлхэц өгөх явдал юм. Цэвэр агаарт гэртээ   байгаа мэт мэдрэмж төрүүлэхийн тулд функциональ байдал, тогтвортой байдал, чиг хандлагад нийцсэн дизайныг хослуулсан онцгой бүтээгдэхүүнийг үйлдвэрлэхийг зорьдог. 

 

 

Jack Wolfskin брэндийн бүтээгдэхүүний технологиудын талаар дэлгэрэнгүй мэдээлэлтэй танилцъя:

PFC буюу байгальд хортой бодисууд ашиглаагүй. PFC нь өмд, куртик, хүрэм зэрэг хувцасны гадна материалыг ус, шавар, тос нэвтрүүлэхгүй болгоход ашиглагддаг юм. Ийм төрлийн зарим химийн бодисууд нь маш хортой буюу байгальд ээлгүй, олон жил задарч устахгүй, амьд биетэд хуримтлагдан хордуулах хор нөлөөтэй нь мэдэгдсэн. PFC-free (PFC бодисгүй) болж шилжихдээ JW одоогоор усны хамгаалалтын хучлагыг бүрэн шийдээд байна. 

Тексапор технологи нь ус, салхины хамгаалалттайгаас гадна амьсгалдаг үүрэгтэй. О2+ энгийн Тексапороос 2 дахин илүү усны хамгаалалттай, 2 дахин илүү амьсгалах ба адилхан салхи нэвтрүүлэхгүй.

Хөдөлгөөнд саадгүй зөөлөн, бага зэргийн суналттай материал.

 

Салхи нэвтрүүлэхгүй салхины төгс хамгаалалт. Нэмээд усны хамгаалалттай (water-repellent), амьсгалдаг.

 

Ёс зүйн стандартыг хангасан сөдний сертификаттай дээд зэргийн чанартай сөд, байгалийн бүтээгдэгдэхүүн, хүйтэнд дулаахан байлгах чадвар өндөр.

Салхины хамгаалалттай (wind resistant), дулаанаа удаан хадгалах, 2 тийш суналттай флийс дулаалга. Онцгой  хурдан хатах, амьсгалдаг, маш уян хатан чанартай. 

1983 онд Жак Вольфскин анх удаа зах зээлд 3 in 1 Texapore куртик гаргаж байсан. Энэ нь дотроо давхар хүрэмтэй ба дотор хүрмийг дангаар нь өмсөх, гадна курткыг дангаар нь өмсөх, хамтад нь өмсөх гэсэн 3 байдлаар өмсөж болох загвар гэсэн утгатай. Цахилгаанаас хамаараад флийс цамц болон хүрмүүд куртиктай нийлүүлж өмсөх боломжтой. Тиймээс цахилгааны Short,Regular зэргийг анзаарч тохирох хосуудыг нийлүүлж болно. 

Грип гэдэг англи үг нь зууралт гэсэн утгатай. Энэ Wintergrip технологи нь өвлийн гуталд ашиглагддаг ба хүйтэнд хөлдөхгүй гадаргууд зуурах чадвараа сайн хадгалж халтирахгүй байлгах резинэн ултай гэсэн үг.

Нуруу болон үүргэвчний дундуур агаар сэлгэх      зохицуулалт. Үүний тусламжтайгаар үүргэвчээ илүү удаан үүрч, хөлрөлт багасах юм.

 

Jack Wolfskin брэндийн гутал, хувцас хэрэгслүүд нь сүүлийн үед байгальд ээлтэй дахин боловсруулагдсан материалаар хийгддэг болсон. Та аялах дуртай бол байгальдаа ч мөн ээлтэй байгаарай гэсэн санааг өгөхийн тулд зорин ажилладаг билээ. "Хээрээр гэр хий" гэдэг нь байгалийн ертөнцөөс таашаал авах төдийгүй түүнийг хамгаалах, хамгаалахын тулд чадах бүхнээ хийх гэсэн үг юм.

Нийгмийн асуудалд идэвхтэй хариуцлагатай хандах нь Jack Wolfskin компанийн онцлог, соёлын нэг хэсэг юм. Шударга ёс, байгаль орчны ухамсар, компанийн нийгмийн хариуцлага нь компанийн амжилтад харшлахгүй гэдэгт бид бат итгэдэг.

 

Эх сурвалж: www.jack-wolfskin.com