Дуу, хөгжимд дургүй хүн гэж байдаггүйтэй адил Playtime хөгжмийн наадамд Dr.Martens-н гуталгүй, Levi’s-н жинсэн яакгүй хүн гэж бараг байхгүй гэж хэлж болно. Олон улсад алдартай брэндүүд болох Dr.Martens /2017 онд/, Levi’s брэндийг /2014 онд/ Дэлхийн брэндийг дэлхийн жишгээр уриатай Би Ти Эф ХХК тус бүр 2014 болон 2017 онд албан ёсны эрхтэйгээр Монголдоо оруулж ирэн одоог хүртэл дистрибьютороор амжилттай ажиллаж байна.

Олон улсад жинсний нэрийн хуудас болсон Levi’s брэнд Playtime хөгжмийн наадамтай 2016 оноос эхлэн тасралтгүй хамтран ажиллаж байгаа бол 120 жилийн түүхтэй, залуучуудын дунд хамгийн эрэлттэй гуталны эзэн Dr.Martens брэнд 2019 оноос эхлэн Playtime хөгжмийн наадамтай хамтран ажиллаж байна. Playtime 2022 хөгжмийн наадмын энэ жилийн албан ёсны ЗАГВАР ТОДОРХОЙЛОГЧ-оор буюу  official partner-аар Dr.Martens болон Levi’s брэнд оролцож байна.

Playtime хөгжмийн наадмын энэ жилийн зорилго нь “Ногоон, тогтвортой хөгжил”-ийг дэмжсэн, илэрхийлсэн байгаа бөгөөд Playtime наадмын АЛБАН ЁСНЫ ЗАГВАР ТОДОРХОЙЛОГЧ Dr.Martens болон Levi’s брэнд мөн адил тогтвортой, ногоон хөгжлийг дэмжсэн, залуусд мэдлэг мэдээлэл түгээж, уриалахыг зорин ажиллана.

Levi’s нь 2011 оноос хойш Buy Better, Wear Longer буюу "Чанартайг авж удаан хэрэглэ" хэмээн уриатай нийгмийн хариуцлагын хүрээнд кампанит ажил эхлүүлэн, энэ хүрээнд байгальд ээлтэй эко бүтээгдэхүүнийг дэмжин, дуу хоолойгоо нэгтгэж, хэрэглэгч нарыгаа уриалан ажиллаж байгаа. Жинсэн өмд ч бай, хүрэм, гутал ч бай цаг явах хэрээр эдэлгээ нь хэвэндээ улам өнгө орсон мэт байх бүтээгдэхүүн үйлдвэрлэхийг зорьдог бөгөөд тус ажлынхаа хүрээнд:

• 2 тэрбум литр ус хэмнэж (2011 оноос хойш)
• 6 тэрбум литр ус дахин ашиглалтад орж
• 75% хөвөн даавууг дахин ашиглах боломжтой нөөцөөр хийсэн байдаг.

Та Levi’s брэндийг нэг авсан байхад удаан хугацаанд дахин авах шаардлагагүй бөгөөд энэ нь байгаль дэлхийд тус хүргэж буй хог хаягдалын эсрэг хэлбэр юм. Мөн өмдний чанарыг хадгалах болон ус хэмнэхийн тулд хамгийн багадаа 10 удаа өмссөний дараа угаахыг Levi’s брэнд зөвлөдөг.

Dr.Martens брэндийн хувьд 2028 он гэхэд сав баглаа боодлыг 100% дахин боловсруулсан эсвэл байгальд ээлтэй эх сурвалжаас түүхий эдээ татан байгальд ээлтэйгээр үйлдвэрлэх зорилго тавин ажиллаж байгаа. Түүнчлэн 2040 он гэхэд 100% байгальд ээлтэй материалаар гутлаа үйлдвэрлэн, нөхөн сэргээгдэх боломжтой байхаар зорин ажиллаж байна. Энэ хүрээнд хийгдэж буй ажлуудаас дурдвал Dr.Martens брэнд бүтээгдэхүүн бүрээ цаг хугацааны шалгуурыг давж, чанарыг нь алдагдуулахгүй байхад анхааран бат бөх, мөнх бус дизайн гэх мэт тогтвортой байдлын өвөрмөц шинж чанарыг суулган ажиллаж байгаа аж.

Байгальд ээлтэй, бас загварлагаар стилээ бүрдүүлсэн та бүхэн Playtime наадмын үеэр Dr.Martens болон Levi’s брэндийн асраар зочлон 20 жилийн түүхтэй Playtime наадмыг дараа нь эргэн санаж болох чимэглэлээр хэзээ ч хуучрашгүй хувцсаа чимэглүүлэх боломжтой. Мөн асарт ирснээр тайван, тогтвортой байдлыг мэдрүүлэхээр ажиллаж байгаа.

Хөгжимд дурлагсад та бүхнийг байгальд ээлтэй, бас загварлагаар стилээ бүрдүүлэн Playtime наадамд эрчийг авахад тань наадмын албан ёсны ЗАГВАР ТОДОРХОЙЛОГЧ Dr.Martens болон Levi’s брэнд туслана.