1981 онд ах дүү Марсиано нар Америк мөрөөдлөө биелүүлэхээр Францаас АНУ-ын Лос Анжелес хотод ирж GUESS брэндийг анх үүсгэн байгуулжээ. 

 

(Ах дүү Марсиано нар)

Тухайн үеийн зах зээлд маш олон жинсэн өмдний компани байсан тул жинс үйлдвэрлэх нь өндөр эрсдэлтэй байв. Гэвч ах дүү Марсиано нарт нэг цоо шинэ санаа байсан нь бариу /skinny/ жинс юм. Уг жинсэн өмдний санаагаа жүжигчин Мэрилин Монрогийн нэгэн кинон дээрээ өмссөн, хөлийн булчин хүртлээ нугалсан бариу өмднөөс авсан. Тэдний хийсэн анхны хувилбар хэтэрхий бариу, өмсөхөд хөл өвтгөхөөр байсан тул түрий хэсэгт цахилгаантай байхаар шийджээ. Ингээд тэдний анхны загвар бий болсон нь Marilyn 3-Zip нэртэй ба тухайн үедээ маш том тэсрэлт хийж, дэлгүүрт худалдаалагдаж эхлээд хэдхэн цагийн дотор дууссан юм.

 

(Marilyn Monroe in "The Misfits,1961 film")

Энэ бол тэдний урт удаан хугацааны амжилтын түүхийн эхлэл байв.

GUESS брэнд маш богино хугацаанд залуухан, дур булаам, адал явдлаар дүүрэн амьдралын хэв маягийн илэрхийлэл болж, өнгө төрхөө гаргаж чадсан нь үүсгэн байгуулагчдын нэг Paul Marciano-ын зураг авалтын онцгой, бүтээлч ур чадваруудтай салшгүй холбоотой. 

(GUESS Jeans Holiday 2017 Campaign feat. Camila Cabello)
 

(GUESS for Fall Campaign 2000 feat. Adriana Lima)

 

Дур булаам, sexy бүсгүйчүүдийн зургийг үзэсгэлэнт байгалийн фон дээр авч онцгой имиж бүрдүүлдэг байсан ба Guess брэндийн зар сурталчилгаанд тоглосон шинэ залуу моделиуд олны танил болж алдар нэрд хүрдэг байв.

(GUESS for Spring 2015 feat. Gigi Hadid)

(GUESS for "Slick Denim" 2000 feat. Adriana Lima)

2000 онд Adriana Lima Guess брэндийн "Slick Denim" сурталчилгааны нүүр царайгаар ажиллаж илүү алдар нэртэй болсон. Энэ сурталчилгаанаас дараахан тэрээр Victoria's Secret-ийн сахиусан тэнгэр болж байсан юм. 

(GUESS x Jennifer Lopez Spring 2020 Campaign)

GUESS нь зах зээлээ өргөжүүлэхээр шинэ брэндүүд болох Guess Kids-ийг 1984 онд, Guess Factory-г 1989 онд, Guess by Marciano-г 2004 онд, Guess Accessories-ийг 2004 онд, Guess Footwear-ийг 2006 онд, G by Guess-ийг 2007 онд, Guess Underwear-ийг 2009 онд тус тус үүсгэн байгуулсан.

 

Цаг үетэйгээ хөл нийлүүлэн алхах GUESS

2020 оноос Тогтвортой хөгжлийн зорилт буюу байгальд ээлтэй үйл ажиллагаа явуулахад анхаарч эхэлсэн ба GUESS Eco collection-ийг гаргав. Ингэснээр GUESS брэндийн нийт жинсэн хувцасны 20 гаруй хувийг GUESS Eco collection эзлэх болсон ба энэ нь үйлдвэрлэлийн явцад илүү бага ус зарцуулдаг, байгальд ээлтэй, дахин боловсруулсан түүхий эд материалаар хийгдсэн гэсэн үг.  

 

(Smart GUESS | Eco collection)

 

 

(GUESS Eco Brunch in Los Angeles)

Цаг ямагт хувьсан өөрчлөгдөж байдаг загварын зах зээлд GUESS брэнд нь хүсэл тэмүүлэлтэй, шинийг санаачлагч, сэтгэл татам, дур булаам, sexy, хөгжилтэй болон хэрэглэгч үйлчүүлэгчдээ ямагт анхаардаг байдлаараа бусдаас ялгардаг.   

GUESS брэнд нь загварын салбарт дэлхийд тэргүүлэгч байхыг эрмэлзэн ажилладаг бөгөөд энэ зорилгынхоо хүрээнд Монголд өөрсдийн албан ёсны салбараа 2022 оны 9 сард нээсэн билээ. "Дэлхийн брэндийг дэлхийн жишгээр" уриатай Би Ти Эф ХХК энэхүү дур булаам брэндийн Монгол дахь албан ёсны дистрибьютор эрхийг авсан бөгөөд Хүннү молл-д анхны дэлгүүрээ нээн та бүхэндээ үйлчилж байна.