adidas брэндийг  Адольф "Ади" Дасслер 1949 оны 08 сарын 18-нд үүсгэн байгуулсан. Адольф "Ади" Дасслер Дэлхийн Нэгдүгээр Дайнаас буцаж ирснийхээ дараа Германы Херцогенаурах хотод байрлах ээжийнхээ хуучин угаалгын өрөөнд спорт гутал хийдэг байжээ.

1924 оны 07 сард Адольф Дасслер-н ах Рудольф Дасслер хамтран бизнес эрхлэн, Дасслер Ах Дүүсийн гутлын үйлдвэр (Gebrüder Dassler Schuhfabrik) бий болж байсан түүхтэй. Тухайн үед Герцогенаурах хотын цахилгаан хангамж муу байсан тул ах дүүс заримдаа суурин дугуйнаас цахилгаан хүч гарган авч тоног төхөөрөмжөө ажлуулдаг байв. Дасслер олон төрлийн спортын тэмцээнд зориулж гүйлтийн гутал (хадаастай) үйлдвэрлэхэд тусалсан. 1928 онд ах дүү Дасслерын хийсэн гутал анх удаа Амстердамын олимпын наадмын хөнгөн атлетикийн тэмцээнд хэрэглэгджээ.

                                                                                             Адольф Дасслер

1930-аад оны дундуур хэд хэдэн төрлийн спорт загварын гутлыг төрөл бүрийн спортод зориулан үйлдвэрлэж байжээ. Адольф Дасслер спортын гуталны чанарийг сайжруулахын тулд, өмнөх хатуу төмөртэй хадаастай загвараасаа даавуу, резинрүү шилжсэн. 1939 онд Дасслер, 1939 оны зуны олимпод АНУ-н гүйлтийн тамирчин Жесси Оуэнс-д өөрийн гараар хийсэн гутлаа өмсгөхийг ятгаж байжээ. Оуэнсийн дөрвөн алтан медалийн дараа Дасслерын бүтээсэн гутал тамирчид болон дасгалжуулагчдад алдартай болжээ. Дасслер ах дүүсийн бизнес амжилттай болж, Дэлхийн хоёрдугаар дайнаас өмнө жил бүр 200,000 хос гутал борлуулж байв. Дэлхийн хоёрдугаар дайны үед Дасслерийн үйлдвэр танкийн эсрэг зэвсэг үйлдвэрлэхэд ашиглагддаг болсон байсан ба 1945 онд АНУ-н цэргүүдэд бараг устгагдсан боловч Адольф Дасслер-н эхнэр нь компани болон ажилтнууд зөвхөн спортын гутал үйлдвэрлэх сонирхолтой байгааг GI (АНУ-ын Агаарын цэргийн хүчний нисгэгчид)-т итгүүлж үйлдвэрээ аварсан байдаг. Үүний дараа АНУ-н хүчин Дасслер ах дүүсийн гуталны гол худалдан авагчид болжээ.

1947 онд ах дүүсийн харилцаа муудаж өөр өөрийн замыг хөөх болов. 1948 онд Рудольф Дасслер өөрийн нэрнээс улбаалан Ruda компанийг байгуулж хожим нь Puma болжээ. Энэ нь удаан хугацаанд спорт гутлын үйлдвэрлэлд хүчтэй өрсөлдөгч байсан юм. Харин Адольф мөн адил өөрийн нэрнээс улбаалан adidas брэндээ 1949 оны 08 сарын 18 байгуулсан түүхтэй.

Ах дүүсийн бий болгосон компаниуд олон төрлийн спортод зориулсан төрөл бүрийн спорт гутлыг үйлдвэрлэдэг байв. Puma болон didas хоёр брэнд үүсэн бий болсны дараа  тэд бизнесийн ширүүн өрсөлдөгчид болов. Адольфын хийсэн хөлбөмбөгийн гутлыг Германы хөлбөмбөгийн шигшээ баг хүртэл хэрэглэж байсны дотор “Бернийн гайхамшиг” хэмээн нэрлэгдэх 1954 оны хөлбөмбөгийн дэлхийн аварга шалгаруулах тэмцээнд ялалт байгуулсан нь, “адидас” компанийн шинэ шийдэл болох уландаа хадаастай гутлын ач тус байсан гэж үздэг аж. Үүнээс хойш тун удалгүй тус компанийг дэлхий даяар мэдэх болсон юм. Херцогенаурах хот “бөгтийсөн хүзүүтэй хот” гэх хоч авахад хүрч байжээ, учир нь хотын иргэд аль брэндийн гутал өмссөнийг харах гэж доошоо хардаг байв.

 

1972 онд Мюнхен (Munich) хотод Олимпийн наадам болоход дэлхий Герман руу эргэсэн үе байлаа. Олимпийн арга хэмжээ эхлэхтэй зэрэгцэн adidas брэнд Trefoil логогоо танилцуулж байжээ. Тус лого нь одоо adidas Originals дээр ашиглагддаг. Тухайн үедээ тэд “Цаг хугацаа өөрчлөгдөх ч  trefoiled чанар үргэлж хэвээр байх болно” хэмээжээ.

 Адидас өөр олон төрлийн спорт барааг үйлдвэрлэх болсон ба эхлээд хөлбөмбөгт, 1967 оноос эхлэн Францын хувцасны үйлдвэр Ле Кок Спортифтэй хамтран спорт загварын хувцсыг үйлдвэрлэдэг болсон. 1978 онд Адольф Дасслерын нас барсан энэ үед тус компани спортын бараагаар дэлхийд тэргүүлэгч болсон байсан. Түүнээс хойш Адольфын гэр бүл adidas брэндийн үйл ажиллагааг үргэлжлүүлэн явжээ. Түүнээс гадна adidas брэнд үйлдвэрлэлээ хэт хямд цалинтай улсуудад шилжүүлсний улмаас 80-аад оны дундуур эдийн засгийн хүнд байдалд орсон нь гэр бүлийн компанийг гэр бүлийн бус хөрөнгө оруулагчдад үүдээ нээх эхлэл болсон байна.

  

 

1990 оны 7 сарын 7-нд Дасслерын гэр бүл компанийнхаа 80 хувийг францын бизнесмен Бернард Тапид-д 1,6 тэрбум францын франкаар зарсан нь тухайн үедээ ойролцоогоор 470 сая доллар байв. Бернард Тапи өөрийн хувийг өөр хэд хэдэн хувь хүн болон групп-д худалдаалж эцэст нь Францын бизнесмен Роберт Луис Дрейфуст-д зарсан. 1997-2005 оны хооронд adidas брэнд Францын Саломон компанитай нэгдсэнээр Адидас-Саломон нэртэй болсон. Энэ хугацаанд зөвхөн өвлийн спортын бараа үйлдвэрлэж байсан нь алдагдалтай байсны улмаас 2005 онд adidas брэнд дахин өөр эзэнтэй болсон. Удалгүй 2006 онд adidas брэнд тухайн үеийн гурав дахь том өрсөлдөгч болоx Reebok-тэй нэгдсэн.

adidas брэнд нь гүйлт, хөл бөмбөг, сагсан бөмбөг, теннис, атлетик, чөлөөт гэсэн төрлүүдийн бүтээгдхүүн үйлдвэрлэдэг.

adidas брэндийн зарим aлдартай Пүүзний загваруудаас дурьдвал:

STAN SMITH

Stan Smith нь тениссийн домог болсон Stanley Roger Smith-ийн нэрээр нэрлэгдсэн цэвэрхэн, хөнгөхөн загвар юм. Олон өнгөнийн сонголттой гэдгээрээ давуу талтай.

SUPERSTAR

adidas Superstar нь Нью Иоркоос эхлэлтэй ба анх 1969 оны NBA аварга шалгаруулах тэмцээний үеэр Superstar гэх нэрийг олж одоог хүртэл алдар нэртэй пүүзнүүдийн нэг болсон юм. Арай илүү чөлөөт загварлаг бөгөөд репперүүд, хип хоп хэв маягтай залуусын загвар гэж явдаг байна.

ULTRABOOST

Хамгийн анхны чөлөөт хэв маягтай гүйлтийн пүүз болж 2005 онд худалдаалагдаж эхэлсэн. Уландаа зөөлөвчтэй алхам бүрт доргилтыг буцаах технологитой учраас илүү их эрч хүчийг мэдрүүлэх юм.

CLIMACOOL

Бүтээмжийг илүү сайжруулах зорилготойгоор бүхэл хөлийг сэрүүцүүлэн тав тух өгөх зорилготой. Дасгал хөдөлгөөн хийх үед ялгарсан хөлийн дулаан болон хөлсийг өөрийн сэрүүцүүлэх технологийн тусламжтай гадагшлуулдгаараа онцлог юм.

TERREX AGRAVIC

Terrex Аgravic нь ус, цасны хамгаалалттай ба зөөлөн EVA улны ачаар хөлд хөнгөн тав тухтай мэдрэмж төрүүлдэг гэдгээрээ давуу талтай. Гүйлт болон алхалт хийхдээ өмсөхөд тохиромжтой байна.

adidas брэндийн хувцасны технологиудаас дурьдвал:

TECHFIT технологи нь биеийн хөдөлгөөн болон хүч хоорондын тэнвэрийг хангасан давуу талуудын олгож байдаг. Хатуу даавуу нь биед илүү тогтвортой байдлыг бий болгох бөгөөд оёдолгүй хийц нь загтналт, нуралт,харшил зэрэг үүсэхээс хамгаалж өвлийн цагт тав тухыг бий болгоно.

UV protection технологи нь хэт ягаан туяанаас хамгаалахад чигэлсэн энэхүү технологи нь халуун цаг агаарт амьсгалах чадвартай бөгөөд нимгэн, амьсгалах, суналттай материалаас хийгддэг.

WINDSTOPPER технологитой гадуур хувцаснууд нь салхины хамгаалалттай бөгөөд дээд зэргийн амьсгалах чадвартай, цөөн давхаргатай бөгөөд бөөгнөрдөггүй. Хүйтэн агаар хувцас нэвтлэн арьсанд хүрэх үед биений дулааныг авч хадгалдаг. WINDSTOPPER-ы ширхэг нь маш жижиг тул агаар түүн дундуур нэвтрэх боломжгүй ба арьсыг дулаан бөгөөд аюулгүй байлгадаг.



Өдгөө adidas Брэнд нь adidas originals /чөлөөт загварлаг/, adidas performance /спортын/ болон adidas Young Atheletes /хүүхдэд зориулсан/ гэсэн төрлөөр бүтээгдэхүүнээ үйлдвэрлэж, дэлхий даяар бүх наснынхны сонголт болон тархжээ. "Дэлхийн брэндийг Дэлхийн жишгээр" уриатай Би Ти Эф ХХК adidas брэндийн уг ТАРХАЛТ-ыг албан ёсны эрхтэйгээр  2008 онд Монголдоо анх оруулж ирэн, түүнээс хойш тасралтгүй 4 салбар дэлгүүртэйгээр ажиллаж байна.